Të shtëna me armë zjarri janë shënuar në Durrës pak minuta më parë.
Nga të dhënat e para mësohet se janë plagosur dy persona dhe janë dërguar me urgjencë drejt spitalit rajonal.
Policia në vendin e ngjarjes po punon për zbardhjen e saj. Sipas të dhënave, ngjarja ka ndodhur në lagjen numër 12 të qytetit bregdetar.
Sipas policisë i plagosuri është rreth moshës 23 vjeç dhe dyshohet se është i komunitetit rom.
I plagosur mbeti Flamur Agron Çerma, 23 vjeç dhe nëna e tij Valbona Çerma. Zyber Tomor Juba, autori, i cili u ndalua nga policia.
Njoftimi i policisë
Më datë 23.02.2021, rreth orës 20:10, në lagjen nr.12, Durrës, dyshohet se pas një konflikti të çastit për motive të dobëta (për vende parkimi), fillimisht me sende të forta, shtetasi J.Z., rreth 45 vjeç, ka plagosur me armë zjarri në këmbë shtetasin F. Ç., rreth 23 vjeç.
Si pasojë e të shtënave është plagosur në këmbë dhe shtetësja V. Ç., rreth 45 vjeçe, ( e ëma e shtetasit F. Ç.,), e cila ndodhej në momentin e konfliktit dhe është dërguar në spital nga shërbimet e Policisë dhe ndodhet bashkë me djalin nën kujdesin e mjekëve, jashtë rrezikut për jetën.
Autori i dyshuar shtetasi Z. J., është shoqëruar menjëherë në ambientet e Policisë Durrës për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
