Presidenti Ilir Meta nga Vlora gjatë një bashkëbisedimi me gazetarët, nuk ka kursyer deklaratat për kryeministrin Edi Rama.
Ndërkohë, që ky i fundit tha se “presidenti nuk është mirë nga trutë e kokës”, Meta u shpreh se në parlamentin e ardhshëm do të propozojë të miratohet një ligj për shëndetin mendorë të krerëve të shtetit, duke filluar nga kryeministri.
“Prandaj flasim për referendum. Kryeministri thotë që presidenti nuk është mirë nga trutë. Unë do i kërkoj parlamentit që të ketë një nen të kontrollohet të gjithë psiqikisht janë apo jo mirë nga trutë, që nga kryeministri dhe me radhë. Janë të identifikuar oligarkët,por më i identifikuar është kryeoligarku”, ndërkohë që zgjedhjet e 25 prillit i cilëson si referendum.
“Negociata do të çelen falë referendumit të 25 prillit. Ky referendum është për negociatat dhe integrimin e vendit”, theksoi Meta.
I pyetur se kush do t’i fitojë zgjedhjet, Meta nuk dha një përgjigje për partinë, por është shprehur se është i sigurt që do të fitojë populli mbi oligarkinë, ndërsa shtoi se asnjë parti nuk duhet të bëhet strehë e atyre personave që i kanë larguar nga një parti tjetër.
Në këtë mënyrë presidenti iu referua të larguarve nga LSI, të cilët më herët i ka cilësuar “llum”.
Gjithashtu, presidenti u bëri thirrje partive politike që fushata të jetë e bazuar në transparencë dhe ndershmëri. Meta theksoi se kandidatët duhet të jenë të pastër, ndërkohë që shtoi se partitë duhet të rrunë larg oligarkëve.
“Nuk është interesi im sesi ecën fushata. Për mua është e rëndësishme që fushata të jetë e bazuar në transparencë në ndershmëri dhe në debatet për të ardhmen, për problemet më jetike që kanë qytetarët shqiptarë. Kandidatët të jenë njerëz me integritet. Të mos preken nga dekriminalizimi dhe asnjë parti të mos bëhet strehë e atyre që pastron partia tjetër.
Parashikimi është triumfi i popullit mbi oligarkinë. U bëj thirrje partive të jenë larg oligarkëve të mos marrin shpërblime nga ata. Unë flas për përmbysje demokratike e kajm fjalën për rivendosje të rendit kushtetues në vend.
Prandaj flasim për referendum. Kryeministri thotë që presidenti nuk është mirë nga trutë. Unë do i kërkoj parlamentit që të ketë një nen të kontrollohet të gjithë psiqikisht janë apo jo mirë nga trutë, që nga kryeministri dhe me radhë. Janë të identifikuar oligarkët,por më i identifikuar është kryeoligarku”, tha Meta.
Në fund, kreu i shtetit e përmbylli fjalën me ironi, duke iu përgjigjur akuzave të kryeministrit.
“Ishte kënaqësi që erdhëm ditën në Vlorë se ngelëm duke ardhur natën dhe fshehurazi”, deklaroi ai.
