Bayern Munchen është befasuar në transfertë ndaj Frankfurt me shifrat 2-1, duke ngecur për të dytën ndeshje radhazi pas barazimit 3-3 ndaj Bielfeld.
Tashmë, Leipzig ka një shans të artë për ta ngushtuar diferencën me bavarezët në vetëm 2 pikë.
Sa i përket ndeshjes së sotme, Frankfurti e nisi mjaft mirë takimin pasi mori avantazhin me anë të japonezit Kamada, i cili u gjend i vetëm në zonën bavareze dhe mposhti Neuer me një goditje të saktë.
Kur pritej që Bayern të reagonte, vendasit shënuan edhe golin e dytë me anë të Younes. Gjermani mposhti Neuerin me një goditje fantastike që u ndal në trekëndësh.
Pjesa e dytë nisi me emocione, me Bayernin që ngushtoi rezultatin në 2-1. Leroy Sane dehu mbrojtësit vendas me disa driblime, përpara se të pasonte te Lewandowski, i cili shënoi golin e 26 personal në këtë kampionat.
Pavarësisht tentativave të Bayern deri në fund, rezultati nuk ndryshoi dhe sfida u mbyll 2-1. Në ndeshjet e tjera, Gladbach u surprizua në shtëpi nga Mainz, që triumfoi 1-2, ndërsa Stuttgart dhe Union Berlin triumfuan në transertë 0-1 ndaj Koln dhe Freiburg.
