Pas Kryeministrit Edi Rama, flamurin e sulmeve ndaj Presidentit Ilir Meta e ka marrë nën Kryeministri, Erion Braçe. Por në dallim nga Rama, Braçe përdor një gjuhë më të ashpër deri denigruese, duke e cilësuar Kreun e Shhtetit, hienë.
Braçe tha se “hienat” e Lalëzit duke filluar nga kryetari i Shtetit do të marrin një përgjigje që Divjaka nuk do kthehet në Lalëz.
“Nëse deri sot kemi qenë të fokusuar te bujqësia. Sot mendoj se kemi marrë një dimension tjetër. Nga pikëpamja ekonomike përfitimet janë të jashtëzakonshme.
Energjia këtu në Karavasta hedh piketat që të gjithë hienat që janë shfaqur në Divjakë gjatë kësaj periudhe janë hienat që shkatërruan Lalëzin. Karavastaja nuk do bëhet Lalëz. Hienat e Lalëzit, duke filluar nga kryetari i shtetit te pronarja e Lalëzit marrin një përgjigje që Divjaka nuk kthehet në Lalëz”, tha Braçe në prani të Ramës.
