Mbi 80 % e shtretërve në spitalin rajonal të Durrësit, të pvrcaktuara për trajtimin e pacientëve me Covid-19 janë ezauruar.
Nga raportimet mësohet se në spitalin Rajonal Durrës ishin në dispozicion 70 shtretër, 60 prej të cilëve tashmë janë të zënë.
Situata raportohet e qetë pavarësisht numrit të të shtruarve.
Pacientët që vijnë për të marrë ndihmë mjekësore në këtë spital janë kryesisht nga qyteti i Durrësit.
Ministria e Shëndetësisë vendosi hapjen e pavionëve të veçantë në spitalet rajonale për të trajtuar personat e prekur nga Covid-19 pasi spitalet në Tiranë ezauruan shtretërit në mbi 95 % të kapaciteteve të tyre.
