Kryeministri Edi Rama vijon debatin në distancë me Presidentin Ilir Meta. Një ditë më parë, Kreu i Shtetit kërkoi marrjen e masave urgjente lidhur me pandeminë e Covid-19, madje duke paralajmëruar se vendi rrezikohej nga katastrofa.
Sot Rama ka zgjedhur të thumbojë Metën, nga qyteti i Vlorës, duke u shprehur se ai ka kohë që nuk është më President dhe shpërdoron detyrën në favor të partisë që administrohet formalisht nga e shoqja.
“Presidenti ka kohë që nuk është më president. Është thjeshtë një shpërdorues i detyrës së Presidentit në favor të ndërmarrjes që administrohet formalisht nga e shoqja.
E mirëkuptoj se vjen në Vlorë natën. Shfaqet në makina që nuk janë në protokollin përkatës, Në këto kushte duhet ta mirëkuptoni të gjithë që i duket si katastrofë”, tha Rama
