Mjeku Genc Sulçebe ka folur për imunitetin e tufës dhe për mundësinë se kur do të arrihet.
“Në qoftë se ne gjetëm se 7.5% e popullatës së Tiranës kishte imunitet në fund të qershorit, kishim 45% në fund të dhjetorit, pra një rritje e madhe. Kemi një ritëm prej 5-6% në muaj. Me këtë ritëm i bie që me një logjikë të thjeshtë i bie që ne deri në gjysmën e parë të 2021 ne do shkojmë deri në 75%.
Por kjo është vetëm për Tiranën. Në rang republike, përqindja është 25. Jashtë Tiranës dendësia është e ulët.
Nëse arrijmë 75% atëherë mund të themi që kemi arritur imunitetin e tufës. Por duhet pasur parasysh se njerëzit lëvizin nga zonat e tjera drejt Tiranës, në këtë mënyrë virusi qarkullon. Kemi po ashtu mutacionet e virusit.
Virusi pëson mutacione në përpjekje për të mbijetuar. Rruga e vetme për të shpëtuar është vaksinimi i shpejtë dhe masiv. Të paktën vaksina Pfizer dhe Moderna jep mbrojtje të mirë dhe s’duhet të kemi rezerva.”
