Pneumologu i njohur Arjan Mezini tha në studion e Open se në spitalin “Shefqet Ndroqi” nuk ka më vende të lira dhe nuk mund të pranohen shtrime të reja.
Ai tha se gjendja e pacientëve në këtë spital paraqitet e rënduar për rreth 90 % të të shtruarve.
“Janë në gjendje të rëndë dhe shumë të rëndë. Nga graviteti i sëmundjes është pothuajse i njëjtë me atë të nëntor dhe dhjetor të 2020.
Mendoj se kanë hyrë variantet e reja të Covid-19, që shpërndahet më shpejt, por kanë dozë virale të njëjtë”, tha Mezini.
Sipas tij, në shtimin e rasteve të reja, ndoshta kanë ndikuar festat e fundvitit, grumbullimet, temperaturat e ulëta.
Ndërkohë në spitalin Infektiv, i njohur si Covid1, janë ezauruar 90 % e shtretërve. Mjeku Pëllumb Pipero tha se ka shumë pacient të moshave të reja, vijnë në gjendje të rënduar, ndaj i bëj thirrje çdo qytetari që të mos paraqitet në spitale në gjendje të rënduar, por të konsultohen me mjekët, të shkojnë në spitale në kohën e duhur.
