Kryeministri Edi Rama ka deklaruar se kjo e hënë nis me 7020 doza lëvrimi, i përjavshëm i vaksinës antiCOVID nga Pfizer, teksa një tjetër sasi e konsiderueshme e vaksinën nga Astrazeneca pritet të mbërrijë shumë shpejt në vendin tonë.
Rama thekson se po nga kjo e hënë nisë edhe aktivizimi i spitaleve spitaleve rajonale për përballimin e nevojës për shtrime në spitale.
Vaksinat e Pfizer duhet të mbërrinin në Shqipëri në javën e tretë të janarit, kjo bazuar në deklaratat e Kryeministrit Edi Rama. Sipas tij, në shkurt duhet të mbërrijnë rreth 40 mijë doza vaksinash Pfizer.
Postimi i plotë:
Sot nis me 7020 doza lëvrimi i përjavshëm i vaksinës antiCOVID nga kontrata me Pfizer dhe intensifikimi i planit të vaksinimit, ndërkohë që jemi shumë pranë sigurimit të një sasie dozash të konsiderueshme nga vaksina Astrazeneca
Aktivizohet sot skenari i parë i përfshirjes së spitaleve rajonale për përballimin e nevojës për shtrime në spital, ndërkohë që respektimi i masave kufizuese në fuqi mbetet domosdoshmëri deri në afatin e përcaktuar nga Komiteti Teknik.
Mbi 90 mijë teste të shpejta janë kryer në 54 pikat e testimit në komunitet përveç testit PCR, ndërkohë që vijon intensifikimi i përpjekjeve në terren për të këputur hallka të zinxhirit të infektimeve.
Zotimet e atyre që thonë se vaksinat do i sigurojnë në mbledhjet e partive simotra apo që drejtojnë gishtin e akuzës ndaj qeverisë, ndërkohë që Shqipëria është një nga dy vendet e vetme në rajon që ka siguruar nisjen e vaksinimit, janë një arsye për ta neveritur politikën e futjakotësisë- shkruan Rama
Spitalet rajonale që do tëp resin shtrimet e të infektuarve me covid-19 do të jenë ato të Durrësit dhe Shkodërs, sakstësimi është bërë nga ministrja Manstriliu, gjatë fjalës në parlament.
