U desh një ndjekje e gjatë por edhe një hap fals nga Milani që Interi pas 22 javësh të ulë nga kreu i renditjes kuqezinjtë dhe të marrë kështu komandën e Serie A.
Milan Skriniar, mbrojtësi i Interit, komentoi fitoren ndaj Lazios për mikrofonët e Sky:
“Lazio është një ekip i mirë, ne e dinim se çfarë ndeshje na priste. Jemi të lumtur për 3-1, të vjen keq për golin e pësuar, mund të kishim shënuar më shumë por këto janë shenja të rëndësishme”.
Tani jeni i pari në renditje, si ndiheni?
“Ne punojmë për të qëndruar këtu, jemi të lumtur dhe shijojmë fitoren. Nga nesër do të fillojmë përgatitjet për derbin e së dielës”.
