Analisti Agron Gjekmarkaj dhe deputeti socialist Damian Gjiknuri janë përballur në studion e Open, ku është diskutuar lidhur me përfshirjen e të fortëve në fushatat elektorale, si dhe lidhur me listat e pastra të kandidatëve.
Debati nisi kur Gjekmarkaj tha se Gjiknuri duhet të ishte në hetim nga SPAK dhe jo duke bërë moral.
Pjesë nga debati:
Gjekmarkaj: Gjiknuri duhet të hetohej nga SPAK për tenderat që ka dhënë kur ka qenë ministër, për dosjen e Dibrës për përgjimet që dolën. Ai ka çuar djemtë problematikë, është turp kjo. Është vepër penale të çosh të fortë për të marrë vota.
Gjiknuri: Mos e bëj popullin për budalla.
Gjekmarkaj: Nuk duhej të ishe duke bërë moral këtu. Ju jeni një person që nuk mendoni me mendjen tuaj. Qeshni me komandë, qani me komanë, bëlbëzoni me komandë. Ju duhet të ishit në hetim dhe jo duke bërë moral në studio.
Gjiknuri: Mos e bëj popullin për budalla. Ata votojnë dhe vlerësojnë. Më 25 prill populli do vlerësojë sërish.
