Dorian Teliti, ekspert i PD-së për ekonominë, tha se gjatë pandemisë kanë humbur vendin e punvs 50 mijë qytetarë shqiptarë.
Teliti tha se shifrat janë deklaruar nga Guvernatori i Bankës së Shqipërisë, ndërsa theksoi se disa mijëra të tjerë po punojnë në të zezë.
Sipas Telitit, borxhi publik aktualisht është 3-shifror, dhe këto para janë marrë në emër të shqiptarëve dhe do të duhet të paguhen.
“Mbështetja e qeverisë në kohën e krizës ekonomike ishte 560 lekë të vjetra në ditë për qytetarët shqiptarë, shumë kjo që as një bukë nuk ble dot.
Ku kanë shkuar 500 mln euro që u morën borxh publik, gjoja në ndihmë të qytetarëve për të përballuar krizën e pandemisë?
Vazhdojnë shpenzimet e luksit për mobilimet e zyrave, si dhe kontratat koncensionare, kanë arritur në 95 mln euro”, tha Teliti në emisionin Real Story.
Sipas tij, PD kërkoi mbështetje agresive për biznesin dhe qytetarët, ndërsa ne jemi vendi i fundit në Rajon lidhur me paketat e mbështetjes.
