Një grabitje e armatosur ka ndodhur në San Francisco, SHBA ndërsa e gjithë ngjarja është fiksuar nga kamera në bordin e një makine.
Fillimisht një “Honda” e zezë që ndalet pas një tjetër makine me ngjyrë të hirtë, e cila ishte ende në lëvizje. Por kur makina me ngjyrë të hirtë ngadalëson shpejtësinë, nga makina tjetër del një burrë i cili me shpejtësi thyen xhamin e bagazhit dhe nxjerr një çantë.
E gjithë ngjarja zhvillohet brenda 7 sekondave.
Mediat amerikane shkruajnë se brenda çantës kishte pajisje për kamera dhe dronë, të cilat kapnin vlerën e 7 mijë dollarëve.
