Këtë të martë, në një konferencë online me gazetarët me fokus edhe shëndetësinë, kryeministri Edi Rama foli për arrestimet e fundit te spitali Covid 2 ”Shefqet Ndroqi”.
Teksa tha se ky është një lajm i mirë, inkurajoi qytetarët që të denoncojnë rastet e tilla në spitalet e vendit.
”Falenderoj mediat për rastet e bëra publike. Rastet e arrestimit te ”Shefqet Ndroqi”, lajm i mirë. Është një mesazh i qartë për të gjithë bluzat e bardha që është një pakicë e vogël, por e mjaftueshme për të ndotur imazhin dhe pastërtinë.
Jo vetëm në kushtet e tyre, por dhe të performanës që vazhdon. Qytetarët të mos ngurojnë të denoncojnë raste të tilla”, tha Rama.
Reagimi i Krzeministrit vjen në një kohë kur ka shkuar në 5 numri i personelit mjekësor të arrestuar në spitalin Shefqet Ndroqi, pas denoncimit të skandalit në një prej emisioneve investigative, ku infermierë dhe sanitarë merrni shuma të konsiderueshme parash për t’u kujdesur për pacientët e shtruar dhe që kuroheshin nga Covid. Fillimisht Rama deklaroi se Tire Alldervishi ishte njv rast i zoluar, por nga hetimet rezultoi skema se si tre infermiere dhe një tjetër sanitare bashkëvepronin me Tiren.
