Një 34-vjeçar ka masakruar me grushte dhe me shkelma një prostitutë në Spezia. Pasi ka ushtruar dhunë mbi 50 vjeçaren ai i ka marrë 40 euro, telefonin si dhe me skuterin e saj është larguar nga vendi i ngjarjes.
Mediat raportojnë se prostituta përfundoi në spital pasi kishte kocka të thyera dhe hundën të mavijosur.
Autori i sulmit është Alessandro Talamo, 34 vjeç, nga Migliarina, i arrestuar menjëherë pas sulmit nga policia. Mëngjesin e djeshëm, gjatë marrjes në pyetje, i riu rrëfeu gjithçka dhe shpjegoi se kishte probleme me personalitetin, për shkak të përdorimit të zakonshëm të drogës.
Sipas dëshmive të mbledhura nga deklaratat në seancë, Talamo kishte rënë dakord për një performancë seksuale me gruan, por, kur ata ishin gati të largoheshin, ai e sulmoi atë për t’ia marrë paratë (40 euro) dhe telefonin celular, si dhe një skuter.
Oficerët e policisë e ndaluan të riun menjëherë pas ngjarjes. Ata nuk e dinin emrin e tij, por duart dhe këpucët e tij ishin ende të njollosura me gjak. I riu ishte në shoqërinë e një 20-vjeçari, pa lidhje me ngjarjen, që kishte urdhër të mos shkelte në qytet. Policia i gjeti autorit provat, si dhe çelësat e skuterit. Ai akuzohet për plagosje dhe grabitje.
