Aktivisti i Nisma Thurrje, Pano Soko, ka reaguar përmes një postimi, pas intervistës së dhënë mbrëmjen e së enjtes në Opinion nga ish-Kryeministri Fatos Nano. Soko ndalet te makina Maserati, e cila duket se përdoret nga ish-Kryeministri Nano, i cili nuk kurseu mbështetjen dhe suportin ndaj Kryeministrit dhe kreut të PS-së, Edi Rama, ndërsa sulmoi ashpër Presidentin Ilir Meta dhe ish-Kryeministrin Sali Berisha.
“Kjo është Maserati Levante qe kushton rreth 100 mijë Euro. Një italiane e bukur, sharmante që kundërmon luks dhe rrezaton klas.
Interier fantastik me punime lëkure, në lartësinë e emrit që mban. Modeli me motorr 4.0 litra benzine harxhon rreth 30 litra/100 km dhe natyrisht pjesët i ka shumë të shtrenjta.
Kjo, për të gjithë ata që u surprizuan nga intervista e Fatos Nanos sot. Nuk mbahet Maserati me denoncime konçesionesh”, shkruan Soko.
