Eksperti i ekonomisë, Pano Soko, deklaroi në emisionin “Të Paekspozuarit” se arrestimi i kryebashkiakut Erion Veiaj është fillimi i shthurjes së një lëmshi korruptiv.
Ai tha se kjo është një pikë kthese për Shqipërinë sepse kemi të arrestuar për herë të parë një zyrtar në zyrë të një niveli të lartë politik dhe sipas tij kjo ngjarje nga sot rrëzoi mitin e pandëshkueshmërisë.
“Unë e shoh këtë të sotmen si fillimin e shthurjes së një lëmshi korruptiv të gatuar për 12 vitet e fundit. Ky është një moment i veçantë sepse Veliaj është një ndër aktorët kryesorë se do të merrte mbi supe të ardhmen e PS-së kur të ikte Edi Rama.
Ky është një moment i veçantë sepse kemi të bëjmë me një njeri të rëndësishëm të politikës të arrestuar në zyrë.
Duhet ta veçoj këtë ditë të sotme sepse është vërtet ditë e veçantë, është një pikë kthese për Shqipërinë sepse kemi të arrestuar për herë të parë një zyrtar në zyrë të një niveli të lartë politik dhe nga sot miti i pandëshkueshmërisë ka rënë.
Me Erion Veliaj ky mit ka rënë dhe tashmë janë të rrezikuar të gjithë, nuk shoh më asnjë njeri të përjashtuar.
Kjo ka qenë një stekëprove për SPAK i cili është atemuar gjatë gjithë kohës për qëndrimet e veta duke akuzuar si pjesë e skemës së Ramës, etj. etj., por kam qenë gjithmonë e mendimit se SPAK është i përbërë nga njerëz që ka dhe të mire, por tashmë do të duhet që të gjithë aktorët politikë do duhet të mbështesin SPAK dhe këtu e kam fjalën për PD.
Goditja që i është bërë maxhorancës është e madhe për të mos pasur bajas politik. Ky është një moment për Ramën, i cili duket sikur është fshehur sepse i është rrëzuar e gjithë kalaja e ngritur me dardhë e mollë dhe askush se beson më se i kanë kaluar miliarda euro nën hundë.
Ne nesër kemi thirrur një protestë para kryeministrisë me thirrjen e vetme që Edi Rama duhet të largohet sepse me këto rekorde që ka, s’ka më çfarë kumbullash dhe dardhash të mbajë më”- tha Soko.
