“Bild” nuk është aspak optimist për sa i përket të ardhmes së Jerom Boateng te Bayerni i Mynihut.
Sipas medies gjermane, lojtarit ende nuk i është ofruar një rinovim dhe kjo mund ta shtyjë atë të largohet në fund të sezonit.
Bayern ka fokusuar të gjitha energjitë tek Dajot Upamekano i cili pritet të vijë në fund të sezoni, dhe si rrjedhojë nuk ka në plan të rinovojë me ish lojtarin e kombëtares gjermane.
Boateng është lënë në mes të katër rrugëve, në pritje për të marrë një përgjigje rreth rinovimit. Një largim i tij në fund të sezonit duket se do të jetë i pashmangshëm.
Herta e Berlinit është gati t’i ofrojë një kontratë lojtarit i cili familjen e ka në kryeqytet dhe do të ishte i lumtur të luante atje.
