Një makinë e parkuar është djegur gjatë orëve të mëngjesit të sotëm në Vlorë.
Policia njofton se ngjarja ka ndodhur në lagjen ‘Kushtrimi’ në orën 03:25 ku mori zjarr makina tip ‘Toyota’ në pronësi të 32-vjeçarit Ermal Hoxha, punonjës hipoteke.
“Rreth orës 03:25, në lagjen “Kushtrimi”, Vlorë, ka rënë zjarr dhe është djegur një automjet i markës “Toyota”, në pronësi të shtetasit E. H., 32 vjeç, banues në Vlorë” , njofton policia.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.
Motra e Ermal Hoxhës, punonjësit të hipotekës që iu dogj makina në Vlorë, ka folur në lidhje me ngjarjen.
Ajo thotë se dyshojnë se mjeti mund të jetë djegur për motive që lidhen me profesionin e të riut, por pa përjashtuar pistën e konflikteve familjare.
Sipas saj, shkak mund të jetë bërë beteja ligjore e saj për kujdestarinë e fëmijëve, pasi ajo përballet në gjykatë me ish-bashkëshortin për të zgjidhur ligjërisht martesën.
