Mëngjesin e kesaj të hëne, Emiljano Shullazi u nxorr nga sektori 41 BIS dhe u dërgu ame urgjencë në QSUT. Mësohet se Shullazi u shoqërua me forca të shumta të sigurisë. Ndërkohë nga të dhënat e para bëhet e ditur se Shullazi është dërguar në spitalin Infektiv nën masa të rrepta.
Dyshohet se ai mund të jetë prekur nga koronavirusi. Po kështu disa ditë më parë në infektiv është shoqëruar edhe Dritan Dajti.
Shullazi prej disa muajsh mbahej nën regjimin 41 bis, i cili nënkupton masa të rrepta për të dënuarit, që përfshihet mungesa e çdolloj kontakti me jashtë, si dhe përgjimi i të gjitha telefonatave.
Gjykata e Krimeve të Rënda e ka dënuar Emiljano Shullazin me 14 vite burg për akuzat e gjobëvënies dhe krijim të grupit të strukturuar kriminal, ndërsa u shpall i pafajshëm për akuzën e presionit dhe kanosjes ndaj dy rektorëve Mynyr Koni e Dhori Kule dhe atë të shkatërrimit të pronës, për vendosje tritoli biznesmenit Jani Zaka në Tiranë dhe Adriatik Kuçuku në Lushnje.
Ndërkohë që vetë Shullazi e ka apeluar vendimin, dhe seanca është duke u zvarritur prej disa kohësh në Gjykatën e Posaçme të Apelit.
