Këngëtarja shqiptare me famë ndërkombëtare, Ava Max, ka dhënë së fundmi një intervistë për “Forbes”, ku ka treguar se është në përgatitje të disa projekteve muzikore, teksa e gjen frymëzimin nga hitet e dikurshme, me dëshirën që ato t’i rikthejë dhe t’i ripërpunojë në një version të saj.
E pyetur nëse përbën problem fakti që ajo tregohet shumë feministe në këngët e saj, Ava Max tha se nuk i intereson nëse kjo është problem vetëm për një pjesë të njerëzve (referuar meshkujve).
“Unë në thelb e bëj gjithçka një himn femëror. Ky është problemi. Nuk e di në se kjo përbën problem për disa. Mund të jetë për disa njerëz. Nuk është për mua”, u shpreh 26-vjeçarja në intervistën për “Forbes”.
Ava thotë se i duket qesharake herë pas here kur lexon komentet e njerëzve për feminizmin e saj në këngë, duke shtuar se ajo i urren të gjithë ish-partnerët e saj.
“Është qesharake kur shkon në internet dhe lexon komente të tipit: ‘A do të flasë ajo për burra të ashpër gjatë gjithë kohës?’ Dhe unë them: ‘Po’. Unë i urrej të gjithë ish-partnerët e mi”, ka thënë interpretuesja e hitit “Sweet but Psycho”.
