Liverpool ia del kundër Tottenham, me rezultatin 1-3. Katër ndeshje, vetëm një gol në llogarinë e The Reds, që çlirohen tani. Tre pikë të arta, kundër një rivali direkt dhe me një Bobby Firmino në formë mjaft të mirë.
Londinezët e nisën me një gol të shënuar nga Son, por VAR ndërhyri dhe kapi një pozicion jashtë loje milimetrik. Liverpool në fund të pjesës së parë festoi, duke shënuar golin e avantazhit. Firmino realizoi dhe e çoi skuadrën e tij në epërsi në dhomat e zhveshjes.
Pjesa e dytë nisi me golin e Alexander Arnold. Tottenham u kundërpërgjigj me Hojbjerg, i cili realizoi një gol mjaft të bukur. Salah gjeti rrugën e rrjetës, por VAR e ndaloi. Mane më pas shfrytëzoi një gabim të Tottenham dhe i dha fund kësaj ndeshje.
