Ministri i Brendshëm, Bled Çuçi, drejtues politik i PS-së për Qarkun e Gjirokastrës, tha sot se socialistëve iu bashkua edhe deputetja Adiola Braha. Çuçi u shpreh se Braha është deputete e LSI, duke krijuar kvshtu një diversion.
Lidhur me deklarimet e ministrit të Brendshëm reagoi ish-deputeti Vangjel Tavo, mandatin e të cilit në Kuvend pas dorëzimit nga opozita e bashkuar e mori pikërisht Adiola Braha.
Duke ironizuar Çuçin, Tavo shkruan “po si na e more o Bledi, po si na e bëre këtë more Bledi, na more një vlerë të madhe me vlerë ndërkombëtare”.
Postimi nga Vangjel Tavo
Po ç’na bëre more Bledi!? 😢
Po si na e bëre këtë o Bledi!? 😢
Po si na e more o Bledi!? 😢
Po si nuk e kuptove prej dy vitesh kur të erdhi në zyrë (të kujtohet?) që ishte e juaja o Bledi!?
Po si nuk e kuptove që ishte e juaja teksa votonte çdo ligj të “Rilindjes”, o Bledi!?
Po si nuk e kuptove o Bledi, se sa talent kishte dhe sa e vlefshme ishte për “Rilindjen” kur e përzgjodhët relatore të ndryshimeve kushtetuese për kodin zgjedhor? 😅
Mos more Bledi çfarë na bëre! 😂
Na more një vlerë të madhe me famë ndërkombëtare! 😂
Sa për shkërmoqjen, o Bledi, është “Rilindja” drejt shkërmoqes totale më 25 prill.
Asgjë e askush nuk mund ta ndalë më karrocën e “Rilindjes” tashmë të drejtuar drejt greminës.
