Nuk është sekret se tifozët e Man.United, do të dëshironin të shihnin Cristiano Ronaldon përsëri në Old Trafford me uniformën e “Djajve”.
Që kur u drejtua për te Real Madrid në 2009, gjithnjë ka ekzistuar pyetja nëse portugezi do të dëshironte ta përfundonte karrierën e tij te skuadra e Mançesterit dhe tani vetë portugezi ka hapur debat se, ndoshta, kjo mund të ndodhë në të ardhmen.
Sipas Daily Express, Ronaldo ka filluar të ndjekë përsëri Man United në Instagram, duke nxitur spekulime se ai mund të jetë gati të rikthehet.
Ky veprim i 35-vjeçarit, vjen pasi Juventusi po kalon një periudhë të errët duke shfaqur shumë paqartësi në fushën e lojës. Nëse United mund të përballojë pagën e lartë të Ronaldos, atëherë mund të ndodhë një rikthim sensacional.
Zonja e Vjetër është e gatshme që t’i ndajë rrugët me CR7, pikërisht shkaku i pagës së tij të lartë.
