Një vajzë 10-vjeçare humbi jetën dy ditë më parë si pasojë e një aksidenti. Ngjarja e rëndë ndodhi pak metra larg banesës ku familja e saj jetonte me qira.
Drejtuesi i mjetit, Alban Guri dyshohet se ndodhej nën efektin e alkoolit në momentin që ka përplasur 10-vjeçaren.
Ngjarja ka prekur të gjithë opinionin publik, ndërkohë që së fundmi ka reaguar dhe i ati i të ndjerës, Iljaz Petali, i cili përmes një postimi në rrjetin social shpreh dhimbjen që ndjen.
Ndërkohë Alban Guri, drejtuesi i mjetit që u përfshi në aksidentin që i mori jetën të miturës në dëshminë e tij ka treguar se në momentin e aksidentit, e mitura ka dalë nga dera e shtëpisë dhe i ka prerë rrugën dhe nuk ka mundur ta kontrollojë mjetin për të shmangur aksidentin.
