Ish-ministri i Drejtësisë, Ylli Manjani, ka reaguar përmes një postimi në rrjetet sociale, lidhur me një kërkesë të Ambasadores së SHBA në Tiranë, Yuri Kim, sipas të cilës “ata që janë shpallur non grata nga Shtetet e Bashkuara nuk duhet të lejohen të kandidojnë”.
Ndërsa shprehet dakort me një kërkesë të tillë, Manjani thekson se as Kushtetuta dhe as Kodi Zgjedhor, i shkruar në Ambasadën e SHBA nuk e parashikojnë një gjë të tillë.
“Shumë rrallë ka qëlluar të jem në një mendje me zonjën Kim, por ky është rasti. Dakord jam!
I hodha një sy edhe njëherë Kushtetutës, Kodit Zgjedhor (të shkruar në ambasadën Amerikane) dhe disa ligjeve të fushës dhe, askund nuk e gjej të shkruar këtë që i kërkon zonja Kim KQZ-së.
Askund! As indirekt nuk del askund kuptimi i kësaj kërkese të zonjës Kim.
Në këto kushte, si nuk do ti rregjistrojë KQZ këto persona?!”, shkruan Manjani
Postimi nga Ylli Manjani
Zonja Kim, në një takim të saj në KQZ, thotë se “…ata që janë shpallur non grata nga SHBA, nuk duhen lejuar të kandidojnë”.
Shumë rrallë ka qëlluar të jem në një mendje me zonjën Kim, por ky është rasti.
Dakord jam!
I hodha një sy edhe njëherë Kushtetutës, Kodit Zgjedhor (të shkruar në ambasadën Amerikane) dhe disa ligjeve të fushës dhe, askund nuk e gjej të shkruar këtë që i kërkon zonja Kim KQZ-së.
Askund! As indirekt nuk del askund kuptimi i kësaj kërkese të zonjës Kim.
Në këto kushte, si nuk do ti rregjistrojë KQZ këto persona?! 🤷♂️
Të kishte shkruar një rrjesht diku më ligje zonja Kim, se kështu me llafe skemi gjë në terezi.
SHBA dhe perëndimi na ka mësuar tashmë që askush nuk mund të ndëshkohet pa ligj.
