Deputeti Lefter Maliqi, përmes një postimi në rrjetet sociale, shpreh nderime për figurën e punonjësit të Policisë së Shtetit, ndërsa thekson se rezervat e tij, i ka për zyrtarë e qeveritarë, që nuk kanë ditur e dashur, ta trajtojnë dhe orientojnë Policinë e Shtetit, ashtu siç i ka hije.
Në 108 vjetorin e krijimit të Policisë së Shtetit, Maliqi shprehet se lufta ndaj krimit, drogës, siguria publike etj., mbeten sfidat e uniformave blu.
“Vlerësimi im sot, shkon për figurën dinjitoze, për atë që mban uniformën e Policisë së Shtetit ndershmërisht, dhe jo atë që përlyhet me palën të cilën duhet ta luftojë e prangosë.
Në veçanti sot, përulja ime shkon për të gjithë efektivët e Policisë së Shtetit të rënë në krye të detyrës.
Le të reflektojmë të gjithë bashkë, të paktën në përvjetorë si këta, më shumë se një shekullor…”, shkruan Maliqi
Postimi nga Lefter Maliqi
Të dashur miq!
Edhe pse prej vitesh jam pjesë e Politikës, ‘këpucët’ e para që kam veshur e i kam mbajtur gjatë, kanë qenë ato të Policisë së Shtetit.
Këtë 108-vjetor të Policisë së Shtetit, dua të nderoj pa asnjë rezervë figurën e punonjësit të Policisë së Shtetit.
Rezervat i kam për zyrtarë e qeveritarë që nuk kanë ditur e dashur ta trajtojnë dhe orientojnë Policinë e Shtetit aty dhe ashtu siç i ka hije.
Lufta ndaj krimit, drogës, siguria publike etj., mbeten sfidat e uniformave blu.
Unë më shumë se kushdo, që kam qenë i nderuar që kam mbajtur disa detyra ndër vite si; shef policie, shef rendi, shef i Policisë Kriminale, shef Komisariati, Pedagog në Akademinë e Policisë, nga Shkodra në Gjirokastër, duhet të theksoj fortë vështirësitë me të cilat përballet një punonjës Policie sot.
Vlerësimi im sot, shkon për figurën dinjitoze, për atë që mban uniformën e Policisë së Shtetit ndershmërisht, dhe jo atë që përlyhet me palën të cilën duhet ta luftojë e prangosë.
Në veçanti sot, përulja ime shkon për të gjithë Efektivët e Policisë së Shtetit të rënë në krye të detyrës.
Le të reflektojmë të gjithë bashkë, të paktën në përvjetorë si këta, më shumë se një shekullor…
