Policia ka reaguar zyrtarisht në lidhje me të shtënat me armë zjarri në Mamurras.
Blutë e Kurbinit bëjnë me dije se autori është identifikuar dhe është shpallur në kërkim.
Ngjarja ndodhi në fshatin ‘Adriatik’. Një 20-vjeçar, pas një sherri për motive të dobëta me një 18-vjeçar, ka qëlluar me armë zjarri dhe më pas është larguar nga vendngjarja.
Ndërkohë shërbimet e Policisë po krehin zonën për kapjen e 20-vjeçarit A.B., si dhe gjetjen e sekuestrimin e armës së zjarrit me të cilën ka qëlluar në ajër.
Njoftimi i Policisë
Qëlloi me armë zjarri në ajër pas një konflikti të çastit, identifikohet dhe shpallet në kërkim autori i dyshuar
Më datë 12.01.2021, në fshatin Adriatik, Kurbin shtetasi A.B.,20 vjeç, dyshohet se pas një konflikti të çastit me shtetasin E.P., 18 vjeç ka qëlluar me armë zjarri në ajër dhe më pas është larguar me shpejtësi.
Pas marrjes së informacionit menjëherë në vendngjarje kanë mbërritur shërbimet e policisë ku falë veprimeve të shpejta bënë identifikimin e autorit të dyshuar.
Grupi hetimor nën drejtimin e Prokurorisë po vijon punën për zbardhjen e plotë të rrethanave të ngjarjes.
Ndërkohë shërbimet e Policisë po krehin zonën për kapjen e 20 vjeçarit si dhe gjetjen e sekuestrimin e armës së zjarrit me të cilën ka qëlluar në ajër.
LEXO EDHE:
