Një tjetër sulmues për Thomas Brdaric. Pas Albion Avdijajt, Vllaznia është përforcuar me një tjetër sulmues. Ai është Salim Cisse, (numëron 5 ndeshje dhe 2 gola me kombëtaren e Guinesë), i cili ka mbërritur në Shqipëri.
Gjatë karrierës së tij ka provuar të luajë në Itali, Portugali, Rumani dhe Greqi. Afrikani aktivizohet në qendër të sulmit, teksa mund të luajë dhe në krahun e majtë të këtij reparti. “Sulmuesi Salim Cisse, 1.85 i gjatë, nga Guinea ka mbërritur në Shqipëri dhe pritet të jetë përforcim i radhës për kuqeblutë.
Karriera e tij ka filluar në Portugali duke luajtur për Akademia de Combra në Premier Lige ku në 41 ndeshje ka shënuar 9 gola duke shënuar dy herë edhe në ndeshjet e Europa Leagues dhe më vonë karriera e tij do të vazhdonte në klubin e Sporting Lisbones.
Lojtari ka provuar të luajë edhe në Rumani dhe së fundmi në ekipin grek të AO Egaleos. Cisse pritet të vihet menjëherë nën urdhrat e trajnerit Brdariç i cili së bashku me stafin e tij teknik do të vlerësojnë në lidhje me vazhdimësinë e këtij lojtari tek Vllaznia“, lexohet në postimin e klubit Shkodran.
