Dy subjekte në Korçë janë gjobitur me masën administrative 1.000.000 lekë, për shkak se shkelën protokollin e sigurisë për parandalimin e përhapjes së koronavirusit.
Njëri nga subjektet u konstatua në rrugën nacionale Korçë-Bilisht, shtetasi E. Sh. duke zhvilluar në restorantin e tij, një aktivitet festiv, në kundërshtim me Aktin Normativ, duke mos respektuar protokollet e sigurisë.
Gjithashtu, në lagjen nr. 6, Korçë, shtetasi M. Z. u konstatua duke ushtruar aktivitetin pas orarit të përcaktuar për mbyllje, në kundërshtim me Aktin Normativ.
Policia e Korçës apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
