U luajt ditën e djeshme java e 13-të e Kategorisë Superiore. 5 ndeshjet e zhvilluara sollën jo pak rezultate surprizuese, Vllaznia mposhti Teutën në shtëpi minimalisht, Partizani dhe Tirana ngecën në barazimi ndaj Apolonisë dhe Bylisit, ndërsa Laçi fitoi ndaj Kukësit. Sfida tjetër Kastrioti-Skënderbeu u mbyll gjithashtu në barazim 2-2.
Java e 14-të do të rikthehet të luhet ditën e premte me dy supersfida. Kukësi-Vllaznia dhe Teuta-Bylis do të luhen me drita në orën 18:00, në “Elbasan Arena” dhe “Niko Dovana”.
3 sfidat e tjera do të luhen ditën e shtunë në orën 13:45, por ky orar mund të ndryshojë ashtu siç ndodhi ditën e sotme që ndeshjet u spostuan me 15 minuta duke startuar në orën 13:30.
E premte:
Kukësi-Vllaznia 18:00
Teuta-Bylis 18:00
E shtunë:
Tirana-Kastrioti 13:45
Skënderbeu-Partizani 13:45
Apolonia-Laçi 13:45
