Kanë përfunduar 45 minutat e para, të 3 sfidave të vlefshme për javën e 13-të të Kategorisë Superiore.
Në Ballsh, takimi mes Bylisit dhe Tiranës është në barazim pa gola. Në pjesën e parë bardheblutë janë shfaqur më kërkues por pa arritur të gjejnë rrugën e rrjetës.
Në Kamëz po zhvillohet ndeshja mes Kastriotit dhe Skënderbeut. Krutanët kryesojnë 1-0 falë golit të Silvester Shkallës në minutën e 28-të. Pas një harkimi nga këndi, i harruar brenda zonës, mbrojtësi godet saktë me kokë, duke tundur rrjetën.
Nga ana tjetër, Laçi po fiton 2-0 në një ndeshje mjaft delikate ndaj Kukësit. Për vendasit realizoi mesfushori Emiliano Musta në minutën e 13-të ndërsa në minutën e 3-të shtesë dyfishuan shifrat me anë të Harmon.
