Ambasada e Britanisë së Madhe në Tiranë njofton se të gjithë qytetarët që do të udhëtojnë drejt këtij shteti, nga java e ardhshme duhet të kenë një test negativ të Covid.
Po ashtu, ambasada bën me dije se të gjithë qytetarët do të duhet që të qëndrojnë për një periudhë 10 ditore në karantinë, pas mbërritjes në Britani.
“Nga java e ardhshme, të gjithë qytetarët që udhëtojnë për në Mbretërinë e Bashkuar, duke përfshirë shtetasit britanikë, duhet të paraqesin një test negativ për COVID19 të kryer deri në 72 orë përpara nisjes. Qytetarët që nuk zbatojnë rregullat e reja do të ndëshkohen me një gjobe të menjëhershme me vlerë 500 £. Të gjithë udhëtarët që mbërrijnë nga vendet që nuk janë në listën e korridorit të udhëtimeve të Qeverisë Britanike, përfshirë këtu Shqipërinë, duhet të vetë-izolohen për 10 ditë, pavarësisht rezultatit të testit”, njofton ambasada.
