Një denoncim vjen nga bashkëshortja e një mjeku në Florida, e cila bën të ditur që burri i saj ndërroi jetë nga një çrregullim misterioz i gjakut vetëm disa ditë pasi mori vaksinën e Pfizer, anti-Covid-19.
Heidi Neckelmann u shpreh për “DailyMail” se mjeku Gregory Michael, 56 “shoku i saj më i mirë” dhe partneri prej 28 vjetësh, ishte aktiv, i shëndetshëm dhe nuk kishte probleme shëndetësore para se të ndërronte jetë, më 18 Dhjetor.
Ai vdiq papritmas pasi zhvilloi një sëmundje të rrallë ku trupi vetëshkatërron trombocitet e tij, fragmente të vogla që ndihmojnë në mpiksjen e gjakut.
E trishtuar, Heidi, 58-vjeçe, mendon se vaksina Pfizer-BioNtech mund të ketë qenë shkaktari i kësaj ngjarjeje të rëndë.
“Në mendjen time vdekja e tij është 100 përqind e lidhur me vaksinën. Nuk ka asnjë shpjegim tjetër”, tha ajo për DailyMail, duke fshirë lotët.
Pfizer, në një prononcim për DailyMail, të Mërkurën, pranoi se ishte në dijeni të vdekjes “jashtëzakonisht të jashtëzakonshme” të Dr. Michael dhe po hetonte më tej për ngjarjen e rëndë.
Sidoqoftë një zëdhënës paralajmëroi: “Ne nuk besojmë që të ketë ndonjë lidhje të drejtpërdrejtë me vaksinën”.
