Partizani ka nisur bisedimet me përfaqësuesin e Taulant Seferit. Për sulmuesin e Kombëtares kuqezi, afrimi te Tirana u bë i pamundur pas bllokimit që FIFA i bëri merkatos së kampionëve të vendit.
Deri në këto momente, bardheblutë nuk mund të regjistrojnë lojtarë të rinj, ndërsa Supersport bën me dije se Partizani është gati që me të njëjtën formulë të bëjë për vete Seferin. Veç lojtarit duhet bindur edhe Young Boys që zotëron kartonin e lojtarit.
Formula mund të jetë e njëjtë, huazim për gjashtë muaj dhe ndarja e pagesës mujore prej 12 mijë eurosh në mes. Deri tani këto janë zërat e merkatos, me Seferin që duket i dyzuar nga situata e Tiranës. Nëse bardheblutë ia dalin të zhbllokojnë merkaton, atëherë sulmuesi 24 vjeçar do të prezantohet te bardheblutë, pas zyrtarizimit në kanalet e komunikimit.
