Këtë të martë klubit të Tiranës i është bllokuar meraktoja e janarit nga FIFA. Lidhur me këtë njoftim vetë kampionët bardh e blu theksojnë se janë duke vazhduar bisedimet për të zbardhur këtë çështje ndërsa shtojnë se nuk bëhet fjalë për asnjë borxh të prapambetur nga ana e klubit ndaj FIFA-s. Përsëri klubi i Tiranës do të dalë në një njoftim të dytë nëse do të ketë zhvillime të reja për bllokimin e merakos ndaj kamionëve në fuqi.
Ekipi bardh e blu nuk mund të bëjë asnjë afrim në stolin e tyre në merkaton e këtij janari 2021, për shkak të një detyrimi të papaguar ndaj ish-futbollistit afrikan të Tiranës, Moktar Cise. Klubi ka humbur gjyqin prej 200 mijë eurosh me futbollistin.
Lidhur me këtë vendim FIFA i ka bllokuar kampionëve në fuqi merkaton dhe drejtuesit e Tiranës duhet të paguajnë borxhin ndaj lojtarit dhe më pas të presin vendimin për zhbllokimin e merkatos.
Cise u bashkua me Tiranën në merkaton e verës së 2016-ës, ku qëndroi për një sezon, teksa luajti në 23 ndeshje dhe shënoi 2 gola.
Njoftimi i plotë i KF Tiranës në Facebook.
Klubi I Futbollit Tirana njofton se po punon në zbardhjen e cështjes së bllokimit të merkatos. Pavarësisht lajmeve që qarkullojnë, theksojmë se nuk bëhet fjalë për asnjë borxh të prapambetur. KF Tirana sqaron se bëhet fjalë për një cështje në të cilën klubi ka qënë palë e tretë.
Ky lajm u bë I ditur ditën e sotme dhe klubi vijon të mbetet në bisedime me zyrtarë të FIFA-s për të zgjidhur këtë cështje. Nënvizojmë se për cdo të re apo përditësim njoftimet do të dalin vetëm nga faqja zyrtare e klubit.
