Vazhdon të mbetet mister zhdukja e dy vajzave minorene në Tiranë, gjatë datës 1 janar, ndërsa ato u kishin thënë prindërve se do të shkonin të takonin njëra-tjetrën për ti uruar për Vitin e Ri.
Prindërit e vajzave bënë denoncimin në polici në datën 2 janar, pasi vajzat nuk u kthyen në banesat e tyre, ndërkohë që telefonat e tyre kanë qenë të fikur.
Deri më tani sipas verifikimeve të bëra nga policia, vajzat janë parë për herë të fundit në ‘Qytetin Studenti’
Ato u kanë thënë prindërve të tyre se do të shkonin te njëra-tjetra për të uruar Vitin e Ri. Por mesa duket ky ka qenë vetëm një pretekst për t’u larguar.
Njëra nga vajzat raportohet se ka marrë një shumë parash që kishte mbledhur për festa dhe disa rroba dhe më pas është larguar nga banesa.
Policia ka kontrolluar sistemin TIMS, por nuk rezulton që vajzat të kenë dalë jashtë territorit shqiptar.
Njoftimi i policisë:
Më datë 01.01.2021, shtetasja A. A dhe shtetasi L. H, kallzojnë se janë larguar nga banesa dhe nuk janë kthyer vajzat e tyre të mitura 16-vjeçare, shoqe me njëra-tjetrën. U bë shpallja në kërkim dhe punohet për gjetjen e tyre. Materialet do ti kalojnë Prokurorisë pranë Gjykatës së Shkallës Parë Tiranë, për veprime të mëtejshme.
