Ish-ministri i Drejtësisë, Ylli Manjani, përmes postimeve në rrjetet sociale, shprehet se votimi me postë, nëse do të lejohej në zgjedhjet shqiptare, do të sillte shit-blerje votash. Manjani shkruan se do të kishim edhe votim familjar.
“As Amerika nuk e përballon dot pasojat e këtij votimi.
Kam qenë dhe mbetem besnik i votës në qendrën e votimit! Nuk di mënyrë më të sigurtë se kjo”, shkruan Manjani.
Lidhur me votimin nga ana e emigrantëve, Manjani është i prerë, kur thotë se për fat të keq ne nuk po i bedojmë votave në kuti në qendër votimi të mbikqyrur, jo më votave nisen me postë
Postimi nga Ylli Manjani
Votimi me postë, nëse do lejohej në zgjedhjet tona, do sjellë:
1. Votim masiv familjar. Pra një votë një njeri nuk do kishte më kuptim si parim.
2. Shitblerje votash si n’top të karadakut.
As Amerika nuk e përballon dot pasojat e këtij votimi.
Kam qenë dhe mbetem besnik i votës në qendrën e votimit! Nuk di mënyrë më të sigurtë se kjo.
Për emigrantët
Ditën që do vendos të mos jetoj në Shqipëri nuk kam të drejtë ti kërkoja më asaj (dmth shqipërisë) të drejta politike.
Kjo është bindja ime më e thellë. Shtetasit marrin pjesë politikisht në vendin ku jetojnë, punojnë e ndërtojnë të ardhmen e tyre.
Kjo është llogjika në parim.
Sa i takon procedurave të votimit, për fat të keq ne nuk po i bedojmë votave në kuti në qendër votimi të mbikqyrur, jo më votave nisen me postë. Nuk i kemi ato kushte ende.
