Një 39-vjeçar me banim në Kosovë, i shpallur në kërkim ndërkombëtar, u arrestua nga policia në pikën doganore të Morinës.
Mësohet se shtetasi me inicialet A.K. u ndalua në hyrje të kësaj pike, sepse ishte shpallur në kërkim ndërkombëtar nga Bosnje – Hercevogina.
Policia informon se arrestimi i shtetasit me inicialet A. K., banues në Kosovë, u bë në pikën e kalimit kufitar të Morinës, pasi gjatë përpunimit dhe verifikimit të të dhënave në sistem rezultoi person në kërkim ndërkombëtar nga Interpol Sarajevo, Bosnje Hercegovina.
“NCB Sarajevo, ka lëshuar urdhër-arresti për këtë shtetas, për veprën penale “Ryshfet/korrupsion”, parashikuar nga Kodi Penal i Bosnje Hercegovinës. Materialet i kaluan Prokurorisë së Rrethit Gjyqësor Kukës, për veprime të mëtejshme”, bën me dije policia.
