Deputeti Lefter Maliqi, përmes një postimi në rrjetet sociale, shprehet se 25 prilli do të sjellë ditë më të mira për shqiptarët dhe Shqipërinë.
Maliqi ka vijuar takimet me qytetarë në qarkun e Beratit, deputet i të cilit është, ndërsa thekson se me kontributin e gjithsecilit, 25 prilli do të sjellë ditë më të mira.
“Takime me mbështetës e miq nga maja e Qereshnikut në Berat, aty ku ngjitesh falë investimeve që kemi bërë në drejtimin vendor, me bindjen se ata meritojnë më shumë e duhet të bëjmë më shumë.
Edhe pse ende nuk janë shpallur listat e partive dhe fushata zyrtarisht do edhe pak kohë të nisë, unë ‘fushatën time’ me këta njerëz, që presin të përfaqësohen denjësisht e me më shumë përkushtim, nuk e kam ndalur asnjëherë”, shkruan Maliqi.
Postimi nga Lefter Maliqi
‘Fushata ime’ vazhdon… takime me mbështetës në Qereshnik-Berat; garanci morale dhe politike për 25 Prillin që do të sjellë ditë më të mira për Shqipërinë dhe shqiptarët…
Në vigjilje të një viti për të cilin shpresojmë e urojmë shumë.
Edhe këto ditë, kam zgjedhur të jem afër njerëzve që më mbështesin e ndjejnë se i përfaqësoj.
Takime me mbështetës e miq nga maja e Qereshnikut në Berat, aty ku ngjitesh falë investimeve që kemi bërë në drejtimin vendor, me bindjen se ata meritojnë më shumë e duhet të bëjmë më shumë.
Edhe pse ende nuk janë shpallur listat e partive dhe fushata zyrtarisht do edhe pak kohë të nisë, unë ‘fushatën time’ me këta njerëz, që presin të përfaqësohen denjësisht e me më shumë përkushtim, nuk e kam ndalur asnjëherë.
Në çdo takim me ta, besoj më fortë, se 25 Prilli do të sjellë ditë më të mira me kontributin e gjithësecilit.
