Të paktën shtatë persona dihet se kanë vdekur në një tërmet me madhësi 6.4 që goditi Kroacinë qendrore të martën. Ekipet e shpëtimit kaluan natën duke pastruar rrënojat e ndërtesave të dëmtuara në kërkim të të mbijetuarve, njofton BBC.
Një vajzë 12-vjeçare u vra në Petrinja, tha Kryeministri ndërsa vizitoi qytetin.
Pesë njerëz vdiqën në qytetin pranë, Glina, tha zëvendësi i tij. Një viktimë e shtatë u gjet në rrënojat e një kishe në Zazina, raportojnë mediat shtetërore.
Kryebashkiaku i Petrinja tha se rreth gjysma e qytetit ishte shkatërruar dhe njerëzit ishin tërhequr nga rrënojat.
Shumë kishin frikë të ktheheshin në shtëpitë e tyre brenda natës, thanë zyrtarët. Disa njerëz flinin në makinat e tyre ose qëndronin me të afërmit në zona të tjera. Rreth 200 njerëz të strehuar në një kazermë ushtarake.
Shefi i menaxhimit të krizave së BE Janez Lenarcic do të vizitojë qytetin Petrinja të mërkurën. Tërmeti u ndje në kryeqytet, në Zagreb, në Bosnjë dhe në Serbinë fqinje e deri në Itali.
Një grua u nxor e gjallë nga rrënojat e bashkisë në Petrinja të martën, njoftoi media kroate.
“Ne po nxjerrim njerëz nga makinat, nuk e dimë nëse ka të vdekur apo të plagosur,” i tha Darinko Dumboviç, kryetari i bashkisë së Petrinja të martën transmetuesit rajonal N1. “Ekziston një panik i përgjithshëm, njerëzit po kërkojnë të dashurit e tyre.”
Kryetari i bashkisë po u fliste gazetarëve kur Petrinja, qyteti i 20,000 njerëzve, u godit nga një dridhje tjetër, më e dobët.
“Të gjitha pllakat në banjë janë thyer, të gjitha enët ranë,” i tha agjencisë së lajmeve AFP një banore, 72-vjeçarja Marica Pavlovic. “Edhe nëse do të donim, nuk mund të kthehemi, nuk ka energji elektrike.”
Njerëzit u plagosën gjithashtu në qytetin tjetër Sisak. Televizioni kombëtar HRT tha që spitali lokal atje po luftonte për të përballuar numrin e viktimave që mbërrinin për trajtim.
Tomislav Fabijanic, shefi i shërbimeve të urgjencës mjekësore në Sisak, tha se ata ishin duke parë fraktura dhe trauma dhe disa njerëz kishin nevojë për operacion.
GFZ Qendra Gjermane e Kërkimit për Gjeoshkencat njoftoi se tërmeti goditi në orën 11:19 GMT në një thellësi prej 10 km (6 milje). Dridhja e dytë pasoi një orë apo ca më vonë.
Shërbimi Kroat i Shpëtimit Malor tha se ekipet e shpëtimit nga e gjithë Kroacia kishin shkuar në Petrinja për të ndihmuar në përpjekjen për kërkimin dhe rimëkëmbjen.
Kryeministri Andrej Plenkovic, i cili nxitoi për në Petrinja, tha: “Ushtria është këtu për të ndihmuar. Ne do të duhet të zhvendosin disa njerëz nga Petrinja sepse është e pasigurt të qëndrojnë këtu, “shtoi ai.
