Khabib Nurmagomedov i mundi të gjithë dhe në fund vendosi të tërhiqet nga MMA. Mes “viktimave” të rusit ishte edhe Conor McGregor dhe Khabib i kthehet edhe njëherë duelit me irlandezin.
Ai kujton bisedën mes tyre kur po ndesheshin dhe e krahason Conor me një fëmijë, që justifikohet te babi për të mos u rrahur nga ai.
“Ofendimet e McGregor? Po, ai po fliste gjatë gjithë ndeshjes, por kur unë fillova ta vija nën presion, ai menjëherë kaloi në modesti dhe tha: Ky është thjesht biznes. Madje u zhgënjeva paksa.
Prisja që ai të ishte më i fortë mendërisht. Kur unë po e godisja po flisja me të dhe ai u përgjigj se ishte thjesht biznes, dukej sikur po përpiqej të më qetësonte për të shmangur një rrahje të mirë.
Ishte si një djalë, që përpiqet të justifikohet para babait të tij të nxehur. Psikologjia është mjet i rëndësishëm në ndeshje”,
