Një 26-vjeçar shqiptar ka mbetur i plagosur me thikë, pas një përleshjeje që ka ndodhur brenda familjes së tij.
Në konflikt janë përfshirë, 26-vjeçari, vëllai i tij 24 vjeç dhe babai 55 vjeçar.
Mediat greke raportojnë se dy djemtë dhe babai, me origjinë nga Shqipëria janë përleshur me thika.
Nga përleshja, mbeti i plagosur i riu 26-vjeçar, i cili u dërgua me urgjencë në spital ku ndodhet jashtë rrezikut për jetën.
Raportohet se për shkaqe ende të paqarta, babai 55-vjeçar dhe i biri 24-vjeçar janë grindur fillimisht me djalin tjetër 26-vjeçar. Grindja përfundoi në përdorimin e armëve të ftohta.
Pas marrjes në pyetje, i plagosuri ka rrëfyer duke theksuar se kishin qenë babai i tij dhe vëllai 24-vjeçar ata që e sulmuan me thika duke i shkaktuar plagë të thella në trup.
Pas ngjarjes, policia arrestoi të atin dhe djalin 24-vjeçar me akuzën e plagosjes me dashje.
