Ambasadori i BE në Tiranë, Luigi Soreca ka reaguar pas betimit të anëtarit të gjashtë të Gjykatës Kushtetuese, që solli edhe vënien në funksion të kësaj të fundit.
Në një postim në rrjetet sociale. Soreca e cilëson si arritje të konsiderueshme dhe se përgëzon Përparim Kalon dhe i uron punë të mbarë atij dhe anëtarëve të tjerë të gjykatës.
“Sot z.Përparim Kalo është betuar te Presidenti Ilir Meta si anëtari i 6-të i Gjykatës Kushtetuese. Ne e përgëzojmë atë dhe i dëshirojmë punë të mbarë atij dhe të gjithë anëtarëve pasi Gjykata tani është funksionale, një arritje e konsiderueshme për qytetarët dhe reformën në drejtësisë”, shkruan Soreca.
Gjykata Kushtetuese për t´u konsideruar e plotë duhet të ketë 9 anëtarë, 3 prej të cilëve duhet të zgjidhej nga Gjykata e Lartë, e cila në anën tjetër është e paplotësuar.
Gjykata Kushtetuese aktualisht ka gjashtë anëtarë; Vitore Tusha, Elsa Toska, Marsida Xhaferllari, Fiona Papajorgji, Altin Binaj dhe Përparim Kalo.
