Milani i këtij sezoni I ka bërë tifozët e vet të përjetojnë emocione të mëdha dhe të ëndërrojnë për të arritur suksese në përfundim të edicionit.
Kuqezinjtë e Stefano Piolit nuk humbasin prej muajit mars në kampionat dhe kryesojnë Serie A prej javës së parë. “Djalli” po rikthehet gradualisht, teksa mbrëmjen e kaluar fitoi një ndeshje të madhe 3-2 ndaj Lazios në “San Siro”.
Një sukses që ka lumturuar pa masë Tiziano Crudelin, komentatorin e njohur italian. Ky i fundit njihet nga të gjithë si një tifoz i thekur i Milanit dhe jep gjithmonë “show” në transferimet e tij direkte. Së fundmi ka gëzuar shumë, teksa viti 2020 u mbyll në mënyrën më të mirë të mundshme.
