Kukësi dhe Tirana u ndanë në barazim ditën e djeshme dhe pati polemika për një gol të anuluar në dëm të verilindorëve.
Anësori ngriti flamurin për pozicion jashtë loje dhe klubi i Kukësit reagoi edhe me një deklaratë pas ndeshjes.
Veç klubi ka pasur një qëndrim të fortë edhe të Safet Gjicit, kryebashkiakut të Kukësit dhe presidentit të nderit, siç dëshiron ta quajnë.
“Në çdo botë futbolli ky gol ishte më se i rregullt dhe për fatin tonë të keq kësi lloj kamikazësh arbitra vazhdojnë akoma dhe arbitrojnë. Ishte skandal të anulosh një gol të tillë, sot i ndodhi Kukësit, nesër do e pësojë një ekip tjetër.
Ky lloj gjykimi ul përformancën, hedh dëm miliona lekë, devijon garën dhe u merr gjakun e djersën atyre futbollistëve në fushë. Ky është maskarallëk. Urgjent do kërkojmë përjashtimin e kësaj treshe arbitrash, të cilët duhet të bëhen shembull që të mos ndodhë më ky lloj arbitrimi. Nuk mund të pajtohemi me këtë lloj trajtimi”, shkruhet në deklaratën e Gjicit, botuar në “Panorama Sport”.
