Janë luajtur ditën e sotme 5-së ndeshje të vlefshme për Kategorinë e Parë. Në Grupin A, Korabi triumfoi në shtëpi me Erzenin dhe i bën presion Dinamos së vendit të parë, duke shkuar në kuotën e 16 pikëve sa blutë.
Dibranët nuk e patën të lehtë me shijakasit, por Ismailaj në pjesën e dytë shënoi golin e artë me vlerën e tre pikëve. Hap fals për Besëlidhjen, që në shtëpi u ndal në barazim pa gola kundër Orikut.
Në grupin B Lushnja ka barazuar me pikë Egnatian e vendit të parë, por nuk ka festuar. Takimi kundër Turbinës u mbyll në barazim 2-2. Spahiu realizoi për cërrikasit në fillim, por Abduljabar dhe Hysi u kundërpërgjigjen.
Gjithsesi një penallti në fund për Turbinën vendosi gjithçka me Spahiun që gjuajti saktë dhe shmangu humbjen e skuadrës së tij. Me interes pritej Tomori-Besa, që është mbyllur me rezultatin e ngushtë 1-0 dhe ka vendosur një “ujk” i vjetër si Mikel Canka, që në fraksionin e parë të lojës.
Fitore dramatike për Pogradecin, që përmbysi Flamurtarin që kishte shënuar në pjesën e parë me anë të Diamantit. Tako dhe Liçkollari ishin ata që realizuan për liqenorët, që u gëzohen tre pikëve të rëndësishme në shtëpi.
Java e 8-të e Kategorisë së Parë, mbyllet nesër me sfidat, Burreli-Dinamo dhe Partizani B-Veleçiku.
Kategoria e Parë – Java 8
Grupi A
Besëlidhja-Oriku 0-0
Korabi-Erzeni 1-0
Grupi B
Tomori-Besa 1-0
Lushnja-Turbina 2-2
Pogradeci-Flamurtari 2-1
Klasifikimi:
