Mohammed Salah ka një kontratë me Liverpool deri në vitin 2023, por sulmuesi egjiptian nuk i mbyll dyert për fazën tjetër të karrierës së tij. Në një intervistë për “Diario AS”, ylli i “Reds” nuk ka siguruar vazhdimësi në “Anfield Road”: “Është e vështirë të dihet se sa kohë do të jem atje. Varet nga klubi”.
I pyetur në lidhje me preferencat e tij përballë një ndryshimi të mundshëm të skenës, Salah nuk ka hezituar të lavdërojë si Barçën, ashtu edhe Real Madridin, dy klubet me më shumë memorje jashtë kufijve të Premier League: “Mendoj se Reali dhe Barça janë dy klube të mëdha. Kush e di se çfarë do të ndodhë në të ardhmen, por tani jam i përqendruar në fitimin e Premier League dhe Champions-it përsëri me Liverpool”.
Sulmuesi ka rishikuar sukseset dhe humbjet më të dhimbshme të karrierës së tij, të tilla si disfata kundër Real Madridit në finalen e Ligës së Kampionëve 2018, kur Sergio Ramos dëmtoi shpatullën e tij brenda disa minutave, nga fillimi i lojës: “Unë mendoj se gjithçka çfarë i ndodh një lojtari, si zhgënjimi apo diçka e tillë, ju bën më të fortë në karrierën për të ardhmen. Ai dëmtim është një çështje e mbyllur për mua, nuk e mendoj më”.
Salah ka bërë publik shqetësimin e tij për të mos marrë shiritin e kapitenit në ndeshjen e fundit të Liverpool, në Champions League: “Sinqerisht, unë isha shumë i zhgënjyer. Shpresoja të isha kapiten, por ky është një vendim i trajnerit. E pranoj atë”.
Në fund, ylli i Liverpool ka folur për trashëgimtarin e mundshëm të fronit të futbollit, kur Messi dhe Cristiano të mos jenë më në fushë: “Është e vështirë të veçosh dikë. Tani ka lojtarë të shkëlqyeshëm, por ajo që kanë bërë ata të dy për futbollin ka qenë e pabesueshme”.
