Epidemiologu Ilir Alimehmeti u shpreh mbrëmjen e sotme në “Open” se tregu i vaksinave është njëlloj si ai i elektroshtëpiakeve, ku të pasurit i blenë më shpejt.
Alimehmeti theksoi se nuk mund të pretendohet që Shqipëria të jetë me hapin e vendeve të pasura apo të krahasohet me SHBA.
“Jemi në një situatë kur të gjitha vendet kërkojnë vaksina, por nuk mund të pretendohet se të gjitha vendet duhet të ecin me të njëjtin hap. Vendet e pasura do e siguronin më shpejt vaksinën, kjo as që mund të diskutohet”, tha Alimehmeti.
Sipas tij, në lidhje me vaksinat Pfizer dhe Moderna, duhen masa paraprake, që duhen të garantojnë shpërndarjen e tyre, pasi janë në temperatura -70 gradë celcius.
