Një 21-vjeçar ndërroi jetë pasditen e sotme në spitalin e Durrësit. Viktima është R.N, 21 vjeç, nga Peqini, i cili u dërgua fillimisht në spitalin e Rrogozhinës, në gjendje të rënduar shëndetësore, dhe më pas u transportua drejt atij të Durrësit ku edhe humbi jetën.
Dyshimet e para janë se 21-vjeçari mund të jetë vetëhelmuar, ndërsa raportohet se ai po kurohej nga Covid-19, por kishte edhe probleme me zemrën, për të cilën mjekohej.
Trupi i të riut ndodhet në morg, ndërsa pritet ekspertiza mjeko-ligjore. Nëse do të konfirmohej vetëhelmimi, ky do të ishte rasti i 6 në Shqipëri që pacientë që vuajnë nga Covid-19, i japin fund jetës.
Katër pacientë me Covid-19 janë hedhur nga lartësia në spitalin Shefqet Ndroqi, atje ku po kuroheshin, ndërsa pokuroria ende nuk ka dhënë një përfundim mbi shkaqet edhe pse ka nisur hetimet për të gjitha rastet.
Ndërkohë një tjetër pacient është hedhur nga lartësia në banesën ku jetonte, edhe ai i prekur nga Covid-19.
